लन्डन असार १४ । तमु समाज यूकेको अध्यक्षमा शिवकुमार गुरुङ चयन भएका छन् ।
आइतबार जुन २७ तारिखमा तमु समाज भवनको भवन बेम्बलीमा भएको १४औं साधारणसभा तथा छैठौं महाअधिवेशनबाट शिवकुमारको नेतृत्वमा नयाँ कार्यसमिति चयन भएको हो । नयाँ कार्यसमितिको उपाध्यक्षहरुमा हर्कबहादुर गुरुङ, उपाध्यक्ष भिमबहादुर गुरुङ, बिन्दु घले, महासचिव धर्म बल गुरुङ र कोषाध्यक्षमा खेमबहादुर गुरुङ चयन भएका निर्वाचन समितिले जनाएको छ ।
समितिका अनुसार सचिवमा सुबा घले र सहकोषाध्यक्षमा रविन गुरुङ चयन भए । आमा समूहको अध्यक्षमा उमा गुरुङ चयन भएकी छन् ।
अधिवेशनको अन्त्यमा नवनिर्वाचित अध्यक्ष शिवकुमार गुरुङले निवर्वतमान अध्यक्ष शिवचन्द्र गुरुङलाई कार्यकाल सफलतापूर्वक सम्पन्न गरेकोमा हार्दिक बधाइ, धन्यवादसहित मायाको चिनो प्रदान गरेका थिए ।
कार्यक्रममा संस्थापक अध्यक्ष चित्रबहादुर गुरुङलगायत समाजका पदाधिकारी, सदस्य लगायतको बाक्लो उपस्थिति थियो ।
