नर बहादुर गुरुङ स्मृति अक्षयकोषबाट महेन्द्र शिखरी माध्यमिक विद्यालयमा छात्रवृत्ति प्रदान
२०८० असार १० आइतबार 25th June, 2023 पर्वत ।
स्वर्गीय नर बहादुर गुरुङकाे वार्षिक तीथिमा नर बहादुर स्मृति अक्षयकोषबाट छात्रवृत्ति वितरण कार्यक्रम सम्पन्न गरेको छ ।
हिवार मोदी ५ बाजुङ स्थित श्री महेन्द्र शिखरी माध्यमिक विद्यालयमा उक्त छात्रवृत्ति वितरण गरिएको हो । अतिथि मोदि गाउँ पालिका ५ का का. वा. वडाध्यक्ष राजेश शाही, संरक्षककाे तर्फदेखि प्रतिनिधि मन बहादुर गुरुङ्, जनप्रतिनिधि, अभिभावक , अभिभावक शिक्षक संघका पदाधिकारी, शिक्षक, विद्यार्थीको उल्लेख्य उपस्थितिमा कार्यक्रम भएको थियो ।
स्वर्गीय नर बहादुर गुरुङकाे वार्षिक तीथिमा नर बहादुर स्मृति अक्षयकोषबाट जेहेन्दार विद्यार्थीलाई रु २ हजार र गरिब तथा जेहेन्दारलाई रु १ हजारका दरले २१ जनालाई प्रमाणपत्र सहित नगद वितरण गरिएको थियो । कार्यक्रममा स्वर्गीय नर बहादुर गुरुङकाे सामाजिक याेगदानकाे चर्चा सहित तस्विरमा माल्यार्पण गरि श्रद्धाञ्जलि अर्णण गरिएको थियो । विद्यार्थीले आफ्ना बाबाको स्मृतिमा अक्षयकोष मार्फत् यस्ताे पवित्र कार्यकाे थालनी गरिदिनु भएकोमा समाजसेवी तथा मिलन ग्रुप अफ नेपालका संरक्षक दुर्गा गुरुङ् मिलनलाई स्मरण सहित सामुहिक धन्यवाद ज्ञापन गरेका थिए ।
साथै साे कार्यक्रमकाेअवसर पारी विद्यालयले शैक्षिक सत्र २०७९ साल वार्षिक परीक्षाको शैक्षिक पुरस्कार पनि वितरण गरेको थियो । नर बहादुर स्मृति अक्षयकोष अन्तर्गत प्रत्येक वर्ष विद्यार्थीहरुलाई प्रदान गरिदै आएको छात्रवृत्ति शैक्षिक शत्र २०८० को लागि विद्यार्थी छनौट गर्न प्रअ याम पाैडेलको अध्यक्षतामा सम्पूर्ण स्टाफहरुको वैठक बसी छनौट गरिएको थियो ।
अभिभावक शिक्षक संध अध्यक्ष वीर वहादुर किसानको अध्यक्षतामा भएको कार्यक्रममा स्वागत प्रअ याम पाैडेलले र सञ्चालन लक्ष्मण शर्माले गर्नुभएको थियो
