तमु प्ये ल्हु संघ गण्डकी प्रदेश समितिका सचिव मिलन क्रोम्छे तमुलाई मातृ शोक

तमु प्ये ल्हु संघ गण्डकी प्रदेश समितिका सचिव एवं गुरुङ फिल्म “ङल्हेल्स्यो (सैना/ मितिनी)का कार्यकारी निर्माता  मोम प्रसाद (मिलन) क्रोम्छे तमु र तमु प्ये ल्हु संघ कास्की जिल्ला महिला समितिका कोषाध्यक्ष खगिसर(माया) तमुलाई मातृ शोक परेको छ ।

तमुका ममतामयी आमा नर कुमारी सरब्ज/क्रोम्छे  तमुको उपचारको क्रममा बिहिवार मणिपाल शिक्षण अस्पतालमा असामयिक निधन भएको परिवार श्रोतले जनाएको छ । फोक्सोको समस्या देखिए पछि वहाँलाई परिवारले केही दिन अगाडि मणिपाल शिक्षण अस्पतालमा भर्न गरि उपचार गराइरहेको थियो । वहाँका ३ छोरा , ३ छोरी , बोहारीहरु र नातानातीनी हुनुहुन्छ ।

साबिक होश्राङ्दी गा वि स वडा नम्बर ६ अर्गाउदी पर्वतमा १९९६ साल असार १५ गते जन्मिएकी नर कुमारी गुरुङ बिहादी गाउँ पालिका वडा नं ४ पर्बत, लौकेमा विवाह भएको थियो । हाल वहाँ पोखरा ७ धौलागिरी मार्गमा रहेको सम्पुर्ण परिवार र आफन्तलाई छाडी सदाका लागि परलोक हुनुभएकोमा मिलन विश्व समाचार(www.milanworld.new) परिवारको तर्फबाट हार्दिक श्रद्धाञ्जली अर्पण गर्दै शोक सन्तप्त परिवार जनमा समवेदना प्रकट गरिएको छ ।

स्वर्गीय गुरुङको पार्थिव शरीरलाई शुक्रबार तमु गुरु पच्यु र क्ल्हेप्रीहरुले  तमु(गुरुङ) मौलिक बोन धर्म संस्कार अनुसार तमु प्ये ल्हु संघ शक्तिघाटको घाटमा अन्त्यस्टी गरिएको छ ।

Photo Album;

{vsig}photos/swa-narkumari-sarabja-tamu/{/vsig}