जिफानको नयाँ कार्यसमितिलाई मिलन डिजी इन्टरनेशनल प्रालिको बधाई तथा सम्मान
बैशाख २ गते २०७९
पोखरा । मिलन डिजी इन्टरनेशनल प्रालिले सातौं राष्ट्रिय अधिवेशनबाट निर्वाचित गुरुङ फिल्म एशोसिएसन नेपाल (जिफान)को नवनिर्वाचित कार्यसमितिलाई बधाई तथा सम्मान गरेको छ ।
नव वर्ष २०७९ आगमनमा अवसरमा शुभकामनासहित मिलन फाउण्डेशन नेपाल, मिलन वर्ल्ड डट न्युज र मिलन ट्रष्ट सहआयोजक रहेको कार्यक्रमको प्रमुख अतिथि तमुधिं नेपालका अध्यक्ष हुमबहादुर गुरुङ र मिलन डिजी इन्टरनेशलन प्रालिकी संरक्षक सावित्री गुरुङले उद्घाटन गर्नुभएको थियो । जिफानको नवनिर्वाचित अध्यक्ष गुञ्जबहादुर गुरुङ लगायतको कार्यसमितिलाई सम्मानपत्र, फेटा, भाङ्ग्रा, क्रमु, खादा लगायतबाट प्रमुख अतिथि तमुधिं नेपालका अध्यक्ष हुमबहादुर गुरुङ र मिलन डिजी इन्टरनेशलन प्रालिकी संरक्षक सावित्री गुरुङले सम्मान गर्नुभएको हो ।
कार्यक्रममा प्रमुख अतिथि गुरुङले बधाई तथा शुभकामना व्यक्त गर्नुहुँदै जिफानको नयाँ कार्यसमितिले गुरुङ चलचित्रलाई नयाँ उचाईमा पुर्याउन सक्षम हुने विश्वास व्यक्त गर्नुभयो । उहाँले समाजसेवाका लागि हृदयदेखि नै जुट्नुभएको दुर्गा मिलन गुरुङजस्ता असल व्यक्तित्वहरुको नेतृत्व नेपालमा आवाश्यक भएको बताउनुभयो ।
सम्मानित जिफानका अध्यक्ष गुञ्जबहादुर गुरुङले मिलन डिजी इन्टरनेशनल प्रालि लगायतका संस्था र प्रबन्ध निर्देशक दुर्गा मिलन गुरुङलाई धन्यवाद व्यक्त गर्नुहुँदै आफ्नो कार्यकालमा गुरुङ चलचित्र क्षेत्रलाई थप उचाईमा पुर्याउन पहल गर्ने बताउनुभयो । मिलन डिजी इन्टरनेशलन प्रालिकी संरक्षक सावित्री गुरुङको अध्यक्षतामा भएको कार्यक्रममा संस्थाका रुद्र श्रीस मगरले स्वागत एव कार्यक्रमको बारेमा चर्चा गर्नुभएको थियो भने नायिका, मोडल निशा गुरुङले कार्यक्रम संचालन गर्नुभएको थियो ।
फोटो एल्बम
मिलन डिजी इन्टरनेशनल प्रा.लि.द्वारा जिफानको नयाँ कार्यसमितिलाई बधाई तथा सम्मान
https://www.facebook.com/media/set/?set=a.1672266553112051&type=3
