पर्वत मञ्च हङकङको दोश्रो पर्वत साँझको समिक्षा वैठक तथा सम्मान कार्यक्रम सम्पन्न
भदौ १ 17th August हङकङ
पर्वत मञ्च हङकङको दोश्रो पर्वत साँझको समिक्षा वैठक तथा सम्मान कार्यक्रम सम्पन्न भएको छ । कार्यक्रमको समिक्षा गर्नुको साथै आय व्याय पनि प्रस्तुत गरिएको थियो ।
साँझबाट उठेको रकमबाट सम्पूर्ण खर्च कटाएर हङकङ डलर १ लाख २० हजार वचत गर्न सफल भएको पर्वत मञ्च हङकङको अध्यक्ष दुर्गा गुरुङ मिलनले मिलन वल्ड डट न्युज (www.milanworld.news) लाई बताउनुभयो । अध्यक्ष गुरुङका अनुसार अब छिट्टै नै पर्वतका दुई ठाउँमा आँखा सिविर आयोजना गरिने निर्णय भएको छ ।
उक्त अवसरमा हाल सालै सप्पन्न तमु ट्हो हङकङका सहकोषाध्यक्ष जमुना गुरुङ तथा महिला विभाग कोषाध्यक्ष उत्तर गुरुङलाई पर्वत मञ्च हङकङद्वारा बधाई सम्मान गरिएको थियो । अध्यक्ष दुर्गा गुरुङ मिलनले कर्मु, खदा र फूलको बुकिले सम्मान गर्नुभएको थियो । सम्मानित दुबै चेलीहरुले आगामी दिनमा पर्वत मञ्च हङकङ र तमु ट्हो हङकङ बीच समन्वय गरेर काम गर्ने बताउनुभयो ।
साथै पर्वत मञ्च हङकङको वर्तमान सल्लाहकार अपुन एसके फाउन्डेसनको जन्मदिन मनाएको जनाएका थिए । पर्वत मञ्च हङकङको अध्यक्ष दुर्गा गुरुङ मिलनको अध्यक्षतामा भएको कार्यक्रमको सञ्चालन महासचिव आस गुरुङले गर्नुभएको थियो ।
