तमु (गुरुङ) सञ्चारकर्मी संघ कास्कीको सहकार्यमा नागरिक पत्रकारीता तालीम समापन
तमु (गुरुङ) सञ्चारकर्मी संघ कास्की र तमु धिं नेपालको सहकार्यमा दुइ दिने नागरिक पत्रकारीता तालीम समापन भएको छ । क्षेत्रीय तमु समाजका प्रतिनिधिहरुलाई सञ्चार माध्यमबाट परिचित गराउदैं, स्वयम् समचार बनाउन योग्य गराउने उद्देश्यले तालिमको आयोजना गरिएको हो ।
पोखरा–९ नयाँबजार स्थित तमु धिंमा भएको समापन कार्यक्रममा बोल्नुहुँदै संघका केन्द्रिय अध्यक्ष चित्र बहादुर गुरुङ (लाला)ले विभिन्न व्यवसायी र नेनृत्व तहमा अघि वढ्नुपर्नेमा जोड दिनुभयो । विकासका काममा अरुलाई दोष आरोप लगाउनु भन्दा पनि सवैले सहकार्य गरी अघि वढ्नुपर्ने समेत उहाँले बताउनुभयो । संघका सल्लाहकार शान्ति गुरुङले तालिममा दिएको कुरालाई व्यवहारमा उर्तनका लागि आग्रह गर्नुहुँदै तालिमको अभियान हरेक समाजमा चलाउनुपर्ने आवश्यक भएको वताउनुभयो ।
आदिवासि जनजाती पत्रकार महासंघ फोनिज गण्डकी प्रदेशका महा–सचिव सुमन गुरुङले समाजले गरे अनुसारको गतिविधि प्रचारप्रसारमा नआएका कारण समाजले गरेका गतिविधि ओझेलमा परेको बताउनुभयो । यस्ता गतिविधिहरुलाई सवैसामु अवगत गराउनका लागि प्रचारप्रसारमा जोड दिनुपर्नेमा उहाँको जोड रहेको थियो । कार्यक्रममा फोनिज कास्कीका अध्यक्ष दिल प्रसाद गुरुङ, संघका जिल्ला अध्यक्ष युग गुरुङ, सम्रात गुरुङ लगायतले बोल्नुभएको थियो । तालिममा सहभागिताको तर्फबाट रुद्र बहादुर घले, नासुु बेद बहादुर गुरुङ, युवराज गुरुङ र तिलु गुरुङ लगायतले तालिममा धेरै कुरा सिक्ने अवसर पाएकोमा खुसी व्यक्त गर्दै, अवको दिनमा युवाहरुलाई समेत समेट्नुपर्ने बारे बोल्नुभएको थियो ।
