बाजुङ शैक्षिक प्रतिष्ठान काे प्रथम साधरण सभा तथा सम्मान कार्यक्रम
१४ माघ, २०७७ | पर्वतको मोदी गाउँपालिका वडा नं. ५, बाजुङमा रहेको बाजुङ शैक्षिक प्रतिष्ठानको प्रथम साधारणसभा शनिबार सम्पन्न भएको छ ।
साधारणसभाको अवसर पारेर प्रतिष्ठानले बाजुङ जन्मभूमि भई हाल देशको विभिन्न स्थानमा उच्च ओहोदामा पुग्न सफल ८५ जना व्यक्तित्वहरूलाई सम्मान गरेको छ । अधिकृतस्तरदेखि माथि विद्यावारिधिसम्म गरि कुल ८५ जना बाजुङे विद्वान् छोराछोरीहरूलाई सो संस्थाले सम्मान गरेको हो ।
कार्यक्रममा बाजुङका अग्रज समाजसेवी एवम् मिलन ट्रष्ट–२०७४ का प्रमुख संरक्षक सावित्रीकुमारी गुरुङले सम्मान गर्नुभएको थियो । कार्यक्रममा प्रमुख अतिथि गुरुङले आफना पति स्व. नरबहादुर गुरुङको स्मृतिमा प्रतिष्ठानलाई १ लाख ५० हजार आर्थिक सहयोग गर्नुभएको छ । यसअघि पनि गुरुङको परिवार र मिलन फाउण्डेशन नेपालले बाजुङको बृहत्तर विकासको निम्ति थुप्रै आर्थिक सहयोग गर्दै आएको छ । कार्यक्रममा बोल्दै सम्मानित व्यक्तित्व नेपाल सरकारका उप–सचिव बाबुराम सुवेदीले आफूले जीवनमा सिकेको सीप र अबको बाँकी श्रम जन्मभूमिको लागि खर्च गर्ने बताउनुभयो । बाजुङ शैक्षिक रुपमा उर्वर र भौगोलिक रुपमा पनि असाध्यै मिलेको रमाइलो ठाउँ रहेको भन्दै अब बाजुङबासीले आफनो भेगको कला संस्कृतिको पनि जगेर्ना गर्दै अघि बढनुपर्ने बताउनुभयो ।
बाजुङको विकासको लागि कसैले पनि राजनीति गर्न नहुने उहाँको भनाइ रहेको छ । सोही कार्यक्रममा प्रतिष्ठानले विभिन्न व्यक्तिहरूलाई आजीवन सदस्यता पनि वितरण गरेको छ । यस संस्थाकाे आजीवन सदस्य ३९ जना र साधारण सदस्य ३४२ रहेकाछन भने संस्थाकाे उदेश्यहरु शैक्षिक गुणस्तर शैक्षिक सराेकारवाला बिच अन्तरक्रिया गर्ने ,अक्ष्ायकोष काे ब्याज बाट गरिव तथा जेहेन्दार बिध्यार्थीहरु लाई छात्रवृत्ति प्रदान गर्ने ,गरिवीकाे रेखामुनि भएका अभिभावक हरुलाई आर्थिक सहयाेग गर्ने, निशुल्क स्वस्थ्य शिविर गर्ने , शिक्षाकाे गुणस्तर वृद्धि गर्न युवाहरुकाे दायित्व वहन गर्न ,विभिन्न स्कुलहरुमा हाजिरी प्रतियोगिता ,अन्य शैक्षिक कार्यक्रमहरु गर्ने , सो अवसरमा प्रतिष्ठानका सचिव अमरबहादुर अधिकारीले स्वागत मन्तव्यसहित संस्थाको आर्थिक प्रतिवदेन प्रस्तुत गर्नुभएको थियो ।
प्रतिष्ठानका अध्यक्ष मनबहादुर क्षेत्रीको अध्यक्षतामा कार्यक्रम सम्पन्न भएको थियो भने बिशिस्ट अतिथि मन्त्रालय का उप सचिव बाबुराम सुवेदी , प्रतिष्ठान का संरक्षक भुपु कर्नेल देव बहादुर कार्की ,डा. हरि बिक्रम अधिकारी ,डा. डि बि क्षेत्री ,माेदी गा पा का प्रशासकीय अधिकृत किसान बहादुर क्षेत्री , बाजुङ का वडा अध्यक्ष दल बहादुर मल्ल लगायत अतिथिहरुकाे उपस्थिति रहेकाे थियाे । कार्यक्रम स्थानीय महेन्द्र शिखरी मा.वि.का शिक्षक लक्ष्मण शर्माले सञ्चालन गर्नुभएको थियो । कार्यक्रममा उक्त विद्यालयमा अध्ययनरत विद्यार्थीहरूले विभिन्न सांस्कृतिक नृत्यसहित गीत, कविता आदि प्रतिभा प्रस्तुत गरेका थिए ।