कर्म कर्ण आदिवासी जनजाति पत्रकारिता पुरस्कार २०७९ बाट आदिबासी जनजाति पत्रकार (फोनिज)का अध्यक्ष रुद्रश्रीस मगर सम्मानित हुनुभएको छ । तमु धीं नेपालका संस्थापक अध्यक्ष कर्म कर्ण गुरुङको वैवाहिक वर्षगांठको अवसरमा स्थापित गरिएको र (फोनिज) कास्कीद्वारा प्रदान गर्दै आएको पुरस्कार आदिवासी जनजातीको उत्थानमा योगदान पु¥याउनुभएको भन्दै, श्रीसमगरलाई सम्मान गरिएको हो ।
मगरलाई कार्यक्रमका प्रमुख अतिथि गण्डकी प्रदेशका प्रमुख पृथ्वीमान गुरुङ, पुरस्कारदाता तमुधिका संस्थापक कर्म तमु लगायतले संयुक्त रुपमा भांग्रा, खादा, प्रमाणपत्र र नगद १० हजार रुपैयाँले सम्मान गर्नुभएको थियो । सम्मान पश्चात बोल्नुहुँदै, श्रीस मगरले पुरस्कारले हर्षित मात्र नभएर थप जिम्मेवार वोज भएको सुनाउनुभयो ।
आदिवासी जनजाति, पत्रकारीता क्षेत्रका लागि र आवाज विहीनहरुका निम्ती धेरै जीम्मेवारी बढेको अर्थमा पुरस्कारलाई लिइएको समेत उहाँले जानकारी दिनुभयो । कार्यक्रमका प्रमुख अतिथि गण्डकी प्रदेशका प्रमुख पृथ्वीमान गुरुङले एउटा राईफलको गोलीले एक जनालाई मात्र प्रभाव पार्ने र पत्रकारको कलमले संसार हल्लाउने बताउनुभयो । पत्रकारहरुको अधिकार मात्र नभएर दायित्व पनि ठूलो भएकाले जहाअधिकारको खोज हुन्छ त्याहाँ कर्तव्यको पालना पनि पूरा हुने विश्वास गुरुङले गर्नुभयो ।
पुरस्कारदाता तमु धिँ नेपालका संस्थापक कर्म तमुले आदिवासी जनाजातिहरुको प्रोत्साहनको लागि वर्षगाठको अवसरमा पुरस्कारको स्थापना गरिएको बताउनुभयो । कार्यक्रममा तमु धिँका अध्यक्ष हुम बहादुर तमु, पोखरा महानगरपालिकाका उप–प्रमुख मन्जुदेवी गुरुङ लगायतले कार्यक्रममा बोल्नुभएको थियो । 
पुरस्कारदाता गुरुङ र सम्मानित व्यक्तीत्व श्रीसमगरका बारेमा नेपाल पत्रकार महासंघ कास्कीका पूर्व अध्यक्ष दिपेन्द्र श्रेष्ठले बोल्नुभएको थियो । कार्यक्रमको अवसरमा २०७९ सालको स्थानीय निर्वाचनमा निर्वाचित, पोखरा महानगरपालिकाका उप–प्रमुख मञ्जुदेवी गुरुङ, अन्नपूर्ण गाउँपालिका वडा नं ९को अध्यक्षमा निर्वाचित फोनिज कास्कीका निवर्तमान कोषाध्यक्ष रमेश गुरुङ र मादी गाउँपालिका वडा नं १ को अध्यक्षमा निर्वाचित हुनुभएका पूर्व कार्यसमिति सदस्य देवीजङ्ग गुरुङलाई भांग्रा, खादा र सम्मानपत्रले सम्मान गरिएको थियो ।
कर्म–कर्ण पुरस्कारका लागि तमु धिं नेपालका अध्यक्ष एवं पत्रकार हुमबहादुर गुरुङको संयोजकत्वमा प्रतिभा छनौट समिति गठन गरिएको थियो । जसमा पत्रकार दीपेन्द्र श्रेष्ठ, एमबी आस्था मगर, अधिवक्ता जुनाकुमारी गुरुङ र फोनिज, कास्की शाखाका अध्यक्ष दिलप्रसाद गुरुङ सदस्य रहनुुभएको थियो । भन्दा अघि अग्रज पत्रकारहरू रीता गुरुङ, हर्क आलेमगर, शान्ति तमु, तिलक पुनमगर, एमवी आस्था मगर, हुमबहादुर तमु, राज बहादुर तमु र उदयबहादुर अमात्य, सम्मानित हुनुभएको थियो ।
फोनिज कास्कीका अध्यक्ष दिल प्रसाद गुरुङको अध्यक्षतामा भएको कार्यक्रममा स्वागत मन्तव्य उपाध्यक्ष विनु थापा मगरले गर्नुभएको थियो भने, सचिव शुशील श्रेष्ठले कार्यक्रम सञ्चालन गर्नुभएको थियो ।
